Shillong, Jylliew 09: Ka Seng Biria U Khasi ba la tip lyngkot SBUK hynne ka Mynta ka sngi ka la pynlong ia ka jingia soi soskular bad ka Fraternity Arts Cine Entertainment Shillong FACES ha shillong press clubs.
Kum ban shu pynkynmaw ka seng Biria U Khasi ka dei ka seng ba la slem bha ha kaba la seng ia kane ka seng mynha 2 june tarik jong u snem 1989, kane ka seng ka dei kaba la paw bha ha ki por ba la leit kham shadien, hynrei, u bah M D.tmar u ba long kum u General Secretary ka SBUK U la iathuh ba na ki ba bun ki daw ba kane ka seng kam shym la lah ban leh eiei ha kine ki sngi.
Haba ia kren bad ki lad pathai khubor u Bah M D. Tmar u la iathuh ba hadien ba ka la don ka jingiakren ba sngewthuh jingmut bad u nongialam ka FACES u bah Paradip Kurbah, da ka jingmut ban pynkhie im biang ia ka seng SBUK.
Shuh shuh u la ong ba ha ki por ba la dep ka SBUK lah ban pynmih shibun Ki Biria ban pynsngewtynnnad ia ki nongpeit, nangne shakhmat kane ka seng kan sdang biang ban bteng ia ki jinglehkai biria kumba la juh leh ha ki por ba la dep.
Shen kan sa don ruh ba na ka liang ka SBUK bad ka FACES kin sa ioh ban nang pynheh bad nang pyniar ia kane ka kam ak dram da ka ba kan sa don ka jingkhot ban pynlong da ka Drama Festival bad kiwei dei ki programme ba pher ba pher.
