Ia treilang ka ka KTMPCS, Kyrdemkhla bad NYKS Shillong ban kyntiew ia ki samla

Shillong, Nohprah 02: Ka Kynjoh Sha Ka Thong Multipurpose Co-operative Society (KSTMPCS), Kyrdemkhla ha ryngkat ka jingiatrei lang bad ka Neru Yuva Kendra Sangathan (NYKS) Shillong ka la pynlong  ia ka prokram ai jinghikai ban kyntiew ia ki samla.

Ia kane prokram ryngkat ka phang ‘Youth Club Development Campaign’ kaba la pynlong ha ka 28 tarik u Naiwieng ha Kyrdemkhla Community Hall kaba  hap hapoh ka Khatarshnong-Laitkroh C&RD Block ha ka jingiadon lang u Bah Titos W Chyne, CEM ka KHADC kum u Kongsan.

Kiwei kiba la don lang ki kynthup ia ki ophisar na ka Cooperative Society, Sohra Sub-Division, na ka MSME bad u DYC ka NYKS, ki seng  samla, ki Self-Help Group, ki Cooperative Society bad ki club bapher bapher kiba  hap hapoh ka 12Shnong Laitkroh Block.

Ha katei ka prokram la pynshai ia ki khun samla katei ka thain kumno ba kin tip ia ki scheme jong ki tnad sorkar bapher bapher bad ba kin iohlad ban leit sha ki prokram ai jinghikai bapher bapher ba la pynlong da ka sorkar khamtam ha ka ba iadei bad kumno ba kin ieng  hala  ki jong ki kjat bad ba kin lah  ban trei iala ki jong ki kam  jam.

U kongsan u la ai mynsiem bad pynshlur ia ki kynhun bapher bapher ba kin nangtrei shitom ha ki kam jong ki bad ba kin nang  kyntiew ia ka ioh ka kot ha ka thain hi baroh kawei.

U la kyntu ia ki ba kin long kiba shlur ban mih shakhmat bad ban ia don ruh ka jingiatrei lang bad ka sorkar na ka bynta ka jingmyntoi jong ki hi. Ki ophisar kiba ia don lang ha katei ka sngi ki la batai ia la ki jong ki jong ki skhim kiba ki don bad ia ki prokram ai jinghikai kiba ki lah ban ai sha kine ki kynhun.

What Next?

Recent Articles

Leave a Reply

Submit Comment

*