Ia treilang ki bor shnong ban pynienglain ia ki briew ban thied marbam na ki dukan

Shillong, Lber 27: Kumba la pynbna da ka sorkar ba ki dukan kiba don ha ki dong ki dong jong ki shnong kylleng jong kane ka nongbah Shillong kila plie katkum ka jingbthah jong ka sorkar ban die ia ki marbam mardih sha ki paidbah.

Ha bun ki jaka jong ki shnong la iohi ba ki bor shnong kila ia treilang bad ki bor pyniaid ia ka District Administration ban pynieng lain ia ki briew ba kin nym ia tur lymbrum ki nongkit kam shnong kila ia don ban peit ba ki paidbah kin nym ia tynruh haba thied jingthied.

Ha kane ka sngi ki paidbah kila ia mih na la ki iing ki ieng ban thied katba ki lah bor ban ioh ia ka kam ka dih na ki dukan, ha ka juh ka por la na ka liang jong ka sorkar ruh kala lah ban pynpoi ia u khaw rshan sha ki dukan bad la sam sha ki paidbah kaba dei na ka bynta jong u bnai Lber.

Na ka jong ki pulit ruh kila don ha bun ki jaka ban peit ba kan nym don ka jingialum lymbrum jong ki paidbah bad kila don ki jaka ba ki hap ban beh khamtam ia kiba mut ban leit tur sha iewduh. Ki pulit kila pyrkhing bah ha kane ka liang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet