Shillong,Naitung 08: Ka Advisory Committee jong ka Hynniewtrep Youth Council (HYC) ka khot ia baroh ki sengbhalang kiba don jingsngewkhia halor ka shna ia ka lynti rel kin wan sha khmat ban ia trei lang noh da kaba thaw ia ka Joint Action Committee (JAC) ban pynduh pyndam ia ka lynti rel.
U Bah Anthony Kharbuli u Advicer ka HYC haba ai jingkren sha ki lad pathai khubor ula ong,ha u snem 1989 ha ka por ba long Myntri Rangbah u Pruno Sangma ula thmu ban wanrah ia ka lynti rel ha kaba la don ka jingiakhih kaba jur ka jingmynsaw bad jingiap briew haduh ba ka sorkar ka hap ban pynsangeh noh shi syndon ia ka lynti rel.
Ula ong,”kaba sngewlyngngoh hadien 28 snem ba la sangeh ia ka jingshna ia la lynti rel ka sorkar jylla ka sdang biang ban shna ia ka lynti rel ha Byrnihat bad kane ka jia na ka daw jong ka jingtlot palat ki sengbhalang namar ia kiba bun ki ishu jong ka jaitbynriew la shu pynkylla politik.
“Ngi donkam ka jingia trei lang kum kawei sur kawei ka jaitbynriew ban pynbor ia ka sorkar ban ym donkam ban khot ia kren hynrei ba dei ban pynduh pyndam shi syndon ia ka jingshna ia ka lynti ha Bynrihat”,la ong u Bah Anthony.
