Shillong, 
Nailur 20: Mynta ka sngi ka tnad ka koit ka khiah kala pynlong ia ka jingiaid paidbah jong ki khynnah skul kiba dei na kane ka nongbah Shillong na madan Iewrynhep sha Lachumier shuwa ban sdang ia ka jingpyndih dawai iada Naingpyrsit.
Ha kane ka jingiaid paidbah jong ki khynnah skul, na ki skul bapher bapher jong kane ka nongbah Shillong kila rah ia la ki jingthoh kiba kren halor kane ka jingpyndih dawai iada Niangpyrsit ia kaba latip kum ka MR Vaccination.
Ia kane ka jingiaid paidbah la pynkut ha U Tirot Sing Indoor Hall, da ka jingpynshai na ki briew jong ka tnad ka koit ka khiah ha kaba ia dei bad kane ka jingpyndih dawai kaban sdang ha kane ka jylla Meghalaya ha ka 24 tarik mynta u bnai.
Katkum ka jingkhien jong ka tnad ka koit ka khiah baroh ki khynnah naduh 9 bnai haduh 15 snem ki ban ioh ia kane ka jingpyndih dawai ki long 13 lak ngut baroh ha ka jylla baroh kawei.
