Iaid sha khmat ka jingtrei ia ka surok Mawlai Bye Pass, na u Naitung la lah ban dep: Process

Shillong, Jymmang 15: Mynta ka sngi u MLA jong ka Mawlai u Bah Prpcess T Sawkmie lem bad u Chief Engineer jong ka PWD u Bah Lam Suchiang kila leit ban peit ia ka jingtrei ia ka surok Mawlai Bye Pass ban lap la ia kane ka surok lah ne em ban pyndep hapoh jong u Naitung mynta u snem.

Ha kane ka jingleit la shem ba ka jingtrei kaba sah mynta ka long sa tang ban siangrong sha ki bynta ba hap hapoh jong ka Mawiongrim ban poi sha GS Road bad ha kane ka jingleit jurip la shem ba ki nongtrei kiba trei ha kane ka surok ki dang iatheh maw ban siang rong.

U Bah Process T Sawkmie haba kren ha ki lad pathai khubor u la ong ba u ai khublei ia u myntri rangbah ka jylla u Conrad K Sangma, ia u Deputy Chief Minister u bah Prestone Tynsong kiba la buh ia kane ka surok ha khmat eh ban pyndep ia ka namar ka dei kaba don kam ban pynduna ia ka jingsah kut kali hapoh kane ka nongbah Shillong.

Na kane ka jingwan jong u Chief Engineer mynta la sngi la sngewthuh ba ia kane ka jingtrei lada ka bneng ka ailad la lah ban pyndep ia ka jingsiang rong kaba sah hapoh u bnai Jylliew bad la kumno kumno u kontraktor ba shna ia kane ka surok la lah ban aiti sha ka PWD ban pyndep kam noh ki paidbah.

Ban pynkynmaw ba ha dien ka jingwanrah u MLA ka Mawlai ia ka jingiakren hapoh ka iing dorbar u Myntri rangbah ka jylla u la leit ban jngoh ia kane ka surok bad u la shim khia da kaba weng noh ia u kontraktor barim bad thung da u bah thymmai ban pyndep ia ka kam kaba dangsah.

 

 

 

 

What Next?

Recent Articles

Leave a Reply

Submit Comment

*