Iaid sha khmat ka Nongkrem Block Congress ban pynkhreh ia ka Election MDC bad MP

Shillong, Jymmang 07: Ka jingialang jong ka NNongkrem NBCCongkrem Block Congress Committee ka la long ha ka 4 tarik May 2018, Shillong, hapoh ka jingpyniad jong u President, NBCC, u Bah John F Kharshiing, bad ha kaba la ia donlang u Bah WK Kyndiah, Adviser, NBCC, u Bah Lamborsing  Nongrum, Working President, NBCC, u Bah Rupert Lyngdoh, General Secretary, NBCC, bad kiwei kiwei ki Rangbah bad Longkmie jong ka 22-Nongkrem (ST) Assembly Constituency.

Baroh kiba la ia kren ha katei ka jingialang ka NBCC ki la pynpaw ia ka jingkyndit ka jinglyngoh ia ka rukom ioh vote ha kane ka MLA election 2018 na ka Nongkrem Constituency ha kaba ki la pynsngew ba kawei na ki daw ka long ka jingpynbna slem ia ka ticket na ka liang jong ka seng MPCC, shuh shuh sa kiwei pat ki daw la kdew ki nongkyrshan ka long ka lyer kaba beh jur ban bujli ia u MLA barim ha kaba kiba bun ki nongthep vote ki la ia khih ha ki ar bad lai sngi shuwa ka sngi thep vote ban ia beh sha uba kham i khlian ha ka rally paidbah bad uba kham i tikna ban pynrem ia u MLA barim.

Ki dkhot ka NBCC ki la pynpaw ruh ba sa kawei ka daw bah ka la long ka buit pyrta ha ka por kanbas na kiwei ki Kandidate kiba pyrshah da kaba ki la ong ba kim sngew iahap  ia u Bah John F Kharshiing ban ialeh ka MLA election namar u dei uba ka jaidbynriew ka khmih lynti ba un mih sha ka MP Election, bad kila kynnoh ba lada u leit kum u MP phin ioh biang sa kawei ka bye-election, bad kane ka la long sa kawei ka daw la pynsngew ki dkhot ka NBCC ba ka la ktah kylla ia ka rukom pyrkhat ki nongthep vote kylleng sawdong ka Nongkrem Constituency.

Hadien ka jingiakren kiba bun halor ka MLA Election 2018, ka NBCC ka la ai khublei kyrpang ia baroh ki nongkyrshan kiba la trei borbah wat hapdeng ki jingtynjuh kiba shyrkhei, bad ka NBCC ka pdiang ia ka rai uba bun ba lang bad ka phah ka jingkitbok ia u MLA thymmai ba un pyndep hok ia ki kam shakri  paidbah kum ba u la kular bad la bynshet da ki paid nongthep vote ia kane ka san snem 2018-2023.

Ha kawei pat ka liang ka NBCC ka la rai ban nang iaid shakhmat kum shi bynta lyngba ki program kiba bun ban nang pynkhlain ha ka ban iawer paidbah sha ki nongrim ba skhem jong ka seng Indian National Congress.

Ha katei ka jingialang ka NBCC u Bah WK Kyndiah, Adviser, NBCC, bad u General Secretary, MPCC, u la ong ba ka seng congress ha shen kan sa sdang ia ka jingpynkhreh ban khot ia ki kyrtong kiba kwah ban ialeh MDC, bad u la wer ia ka Nongkrem Block Congress Committee, ban pynkhreh ia ki nongialeh MDC.

Ha kaba iadei bad kane ka phang, ki ba bun ki dkhot jong ka NBCC ki la kyntu ban ap ia ka rai na u Bah Lamborsing Nongrum, Working President, bad u kyrtong barim ha ka bye-election, na ka INC na Nongkrem MDC Constituency.  Ha katei ka jingialang ka la don ruh ka jingpynsngew ia u Bah John F Kharshiing, ba un mih shakhmat na ka bynta ka MP election kaban sa long mar dep ka MDC ha u February 2019, ia kaba u President, NBCC, bad General Secretary, MPCC, u la ong ba kumba long mynta u la don lypa u kyrtong MP na ka seng uba la bat ia ka kam shiphew snem, hynrei kan shong ha ka seng Congress ban shim ia ka rai kaba khatduh halor u kyrtong MP uba lah ban wanrah ia ka jingjop khamtam ha kum kane ka MP 2019 ka ban wan bad u long uba kloi lada ka dawa ka kam.

Ka NBCC ka la rai ban pynlong ki jingialang kyrpang ha shen na ka bynta ka MDC election 2019 namar ka Nongkrem MLA Constituency kumba ka long ha ka MDC ka bun ka jingiaphiah, kum ka nuksa ka Madanryting baroh kawei ka rung sha Nongthymmai, kumba phra tylli ki shnong ki rung sha Mylliem, bad shnong ki wan rung na Mawkynrew sha ka Nongkrem MDC Constituency.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet