Shillong, Risaw10: U Symbut myntri rangbah mynta ka sngi u la ong ba ka sorkar kala ioh ar tylli ki jaka ha New Shillong, 50 akar ban shna ia ka stadium na ka bynta ka National Games 2022 bad 71 Akar ka jaka ban tei ia ka shnong kaba la tip kum ka Games Vilalge ha katei ka juh ka jaka.
Haba kren ha ki lad pathai khubor mynta ka sngi ha dien ka jingialang jong ka kabinet u Bah Prestone u la ong ba hapoh ka 15 tarik Naiwieng 2018 ka sorkar ka la lah ban thung ia ki nongai jingmut, ki nongpynwandur bad ia u Chief Executive Officer jong ka National Games.
Ban tei ia ka Stadium la ioh ia ka pisa na ka Ministry Social Justice jong ka sorkar pdeng T.300 klur tyngka. Na ka bynta kiwei kiwei ki jingtei ka sorkar kan dang wad kilad ki lynti kumno ban pynioh ia ka pisa bad ka sorkar kala kut jingmut skhem ba baroh ki jingtrei kim dep shuwa ban sdang ka National Games.
