Shillong, Nailar 25: Ka
HYC Mawkyrwat circle mynta ka sngi ka la pynlong da ka rally bad ka sit in demonstration ha mawkyrwat ban pyrshah ia ka sorkar u mukul sangma bad kumjuh ruh ia u MLA ka Mawkyrwat u Bah Rowell Lyngdoh.
Kane ka jing pyrshah ka long halor ka nongrim ban pynrem ia ka jing sngap mynthi ka jong ki ia ki mat dawa jong ka seng kum ka ILP bad ki wei de ki ain iada Ri. Ha kane ka jingialang la ioh jing kren na u wallam nongsiej president mawkyrwat circle, na u samla Teibok wanniang general secretary mawkyrwat circle, na u samla barrister G Nongsiej environment Secretary ka seng kmie bad na u arbok khar jahrin president ka South West khasi Hill district.
Ki nongkren ki la ioh ban pynshai ia ki 14 tylli ki mat dawa jong ka seng khamtam eh ia ka ILP bad ki la pynrem jur ia ka sorkar u mukul sangma bad ia u bah Rowell Lyngdoh. Ka seng ka dawa ba ka sorkar kan pyntrei kam noh mardor ia ka ILP bad ia ki wei de ki mat dawa bad lada ka sorkar ka dang bteng ban sngap jar bad kam patiaw ia ki jingiakhih ba jai jai ki dkhot jong ka seng Kim banse ban Thom ia sang na bynta ka jaidbynriew hynniewtrep.
Ki dkhot jong ka hyc mawkyrwat circle ki la kren shai ia u bah Rowell Lyngdoh ba u dei ban kyrshan ia ka ILP bad kiwei ki ain iada Ri ba dawa ka HYC lym kumta kin ia leh pyrshah ia u, la ong u Bah Wallam Nongsiej president HYC mawkyrwat circle ha ka jingpynlait khubor jong u mynta ka sngi.
