Shillong, Nailur 08: Ka seng ki kynthei jong ka seng Congress ha kane ka jylla Meghalaya ia kaba la tip kum ka Meghalaya Pradesh Mahila Congress (MPMC) mynta ka sngi kila pynlong ia ka jingiakhih ban pyrshah ia ka jingkiew dor palat jong ka petrol bad ka tyndong lyer ha ka Ri India baroh kawei.
Ia kane ka jingiakhih la pynlong ha phyllaw jong ka Congress Bhavan Shillong, ha kaba la ia shim bynta da ki nongkit kam jong ka seng Congress ha kane ka jylla Meghalaya. Ha kane ka jingiakhih kum ka MPMC kala pynrem jur ia kane ka sorkar jong ka BJP kaba la ialam da u Narendra Modi kum u myntri rangbah duh jong ka Ri.
Ha kane ka jingiakhih kila rah ia ki plakard ha kaba ki la thoh ba kane ka jingkiew dor ka long ba kane ka sorkar jongu Modi ka long ka sorkar tang na ka bynta ki heh spah, kum ka sengki pynrem jur ia kane ka jingkiewdor ka umphniang.
