Tura, Jylliew 25: Ka Meghalaya Pradesh Youth Congress (MPYC) mynta ka sngi kala pynlong ia ka jingiakhih ha Tura da kaba rah plakard ban pynpaw ia ka jingsngew pyrshah halor ka jingkiew dor jong ka Petrol bad Diesel ha ka ri bad kham tam eh ha kane ka jylla Meghalaya.
Na ka liang jong ka MPYC ka kynnoh ba kane ka jingjia baroh ka dei na ka daw ba ka sorkar u Modi kam shym da la pyrkhat bha ha ka jingialeh pyrshah ia kane ka khlam COVID-19 da kaba wanrah ia ka jingpakhang bad kane ka jingkiew ka dor petrol bad Diesel ka dei ka kam lute ia ki paidbah la kynnoh u president ka MPYC u Richard Mrong Marak.
U Marak u la ong ba kumba ka long mynta ki briew kim sngewthuh ka jingkiew dor jong ka Petrol bad Diesel kala kiew dor haduh T.10.49 tyngka ha kine ki 19 sngi. La ong ba ha u snem 2014 ka khajna ia ka Petrol ka long T.9.20 shi letter bad ia ka Diesel ka long tang T.3.46 shi litter hynrei mynta ka khajna kala kot sha ka T.28.37 shi letter.
Haba phai sha ka jylla ka MPYC ka buh ka jingkylli ba balei ka khajna ia ka Petrolb ad Diesel ha ka jylla Meghalaya ka dei bah eh tam na baroh ki jylla, kane ka sorkar MDA ka dei ban jubab sha ki paidbah.
Lada ka long ha kane ka rukom kumno ka ioh ka kot jong ki paidbah kan kiew la kylli ka MPYC. Ha ka por ba long President MPYC u Bah Gabriel Wahlang haba ka don ka jingkiew dor ha u snem 2013 kila thoh sha ka sorkar ban pynhiar ia ka khajna jong ka Petrol bad Diesel, ong u Bah President ka MPYC u Richard M Marak ha ka khubor kaba u la phah mynta ka sngi.
