New Delhi, Nailur 07: U Myntri ka Tnat Information bad Broadcasting, u Anurag Singh Thakur u la iakynduh ia kawei ka kynhun na Bangladesh ba la ialam da u H.E. Dr. Hasan Mahmud, uba dei u Myntri ka Tnat Information & Broadcasting jong ka Bangladesh.
Ha kane ka jingiakynduh kila iakren shaphang katto katne ki kam bad ban pynkhlain ia ki jingiadei hapdeng kine ki ar tylli ki ri ha ki kam pyni prokram bad ki jingpynbyrnia, ka jingpynkhlain ia ka jingiadei hapdeng ki briew bad ka jingpeit ia ka jingkyntiew jong ka jingiadei hapdeng kine artylli ki ri.
U H.E. Dr. Hasan Mahmud u la pynpaw ia la ka jingsngewnguh ia u Anurag Singh Thakur uba la pdiang ia u bad kane ka kynhun ban iakren shaphang ki kam kiba iadei bad baroh ar tylli kine ki ri bad ka jingiatreilang. U la ai jingiaroh ruh ia ki kam jong ka Sorkar India bad u la kren kyrpang shaphang ka jingleit u Myntri Rangbah ka India, u Narendra Modi sha Bangladesh ha u Lber, 2021.
U Anurag Thakur u la pynsngew ia la ka jingsngewhun halor ka jingshna ia ka phlim ‘Bangabandhu’ kaba dei shaphang ka jingim bad ki por jong u Sheikh Mujibur Rahman bad u la ong, “kaba bun na ka jingshna ia kane ka phlim ka la dep bad nga kyrmen ba ia kane baroh yn pyndep shuwa u Lber, 2022, lada ailad ka jinglong jingman jong ka khlam COVID, bad kumta ngi dei ban lah ban pynmih ia kane ka phlim ha u Lber, 2021.”
La Mynjur ruh ban buddien ia ka jingshna ia ka phlim ‘Liberation of Bangladesh in 1971’. Ka la don ruh ka jingiakren halor ka jingpynkhlain ia ka jingiadei hapdeng kine ar tylli ki ri ha ki kam digital bad ka jingpyni ia ki phlim jong kawei ka ri ha kawei pat lyngba ka jingiakylliang.
Kine ar ngut ki myntri ki la iakren shaphang ka jingrakhe ia ka ‘Maitri Diwas’ ha ka 6 tarik u Nohprah ha kaba yn sa saindur ia ka rukom pyntreikam. U Thakur u la ai jingsngewnguh ia ka Sorkar Bangladesh kaba la iashim bynta ha ka IFFI kaba 51 ia kaba la pynlong ha u Kyllalyngkot, 2021 bad u la khot ruh ia ka ri ba kan iashim bynta biang ha ka IFFI kaba 52 ka ban long ha Goa ha u bnai Naiwieng, 2021.
Baroh ar ngut kine ki myntri ki la kular ban ai jingkyrshan ia ka jingiatreilang hapdeng kine ar tylli ki ri na ka bynta ka jingpynkhlain ia ka jingiadei ha ka liang ka kolshor bad ruh ki briew.
