Jowai, Lber 08: Mynta ka sngi kala don ka jingkylla pyrdet jong kawei ka kali Bolero Picup kaba don ia u number ML04A-9019 na ka daw jong ka jingbun palat ki briew kiba la ia kiew ha kane ka kali kala kylla ha surok bad kane kala wanrah ia ka ia ka jingiap jong lai ngut ki briew bad mynsaw 39 ngut.
Haba kren ha u SP News Agency u SP jong ka East Jiantia Hills District u la ong ba kine ki briew kiba kiew ha kane ka kali ka long ba ki thmu ban leit sha ka jingsumar khmat ei kaba la pynlong da ka Bansara Eye Care ha Saipung, hynrei shuwa ba kin poi sha kane ka jaka sumar khmat kala kylla.
Ha kane ka jingjia lai ngut ki briew kila khlad bad kito ki long ka kong Trophina Paslein 54 snem, kong Kalbina Pakem 70 snem bad khynnah ba dang san snem ka rta u , Pynhunlangki Lamarong. Ka daw jong ka jingkylla kane ka kali dei na ka jingkiew bun palat ki briew.
Kiba mynsaw ki long ba ki kynthei ki long 26 ngut bad ki shynrang ki long 23 ngut, ia kine kiba mynsaw la kit sha ki jaka ai jingsumar. Ha dien ba la don noh kane ka jingjia ba sngewsih ia kane ka jingsumar khmat ei kaba la buh ban long mynta ka sngi la pynsngeh noh.
ki police ki dei ban check bha iaka overload ba kit ki kali