Iap 4, mynsaw 6 ngut ha ka jingiatyngkhuh kali ha Mawpun Ri Bhoi District

Acident 1Shillong, Iaiong 09: Mynta ka sngi kala don ka jingia kaba sngewsih, ha kaba kala don ka jingiatyngkhuh kali ha surok bah Shillong By-pass ha ka  shnong Mawpun. Kane ka jingiatyngkhuh kali ha long ha pdeng ka trok bad ka kali kamai Tata Suma. Ha kane ka jingjia saw ngut ki briew kila duh ei ia ka jingim bad 6 ngut kiwei pat kila mynsaw.

Na ka liang jong ki pulit jong ka Ri Bhoi District mar iaioh ia kane ka jingtip kila leit sha katei ka jaka ban leh ia kaba don kam. Ia kiba mynsaw la pynkit sha Shillong Civil Hospital ban ioh ia ka jingsumar.

Na ka liang jong ki pulit kila pynlong ia ka jingtohkit ban lap ia ka jinghshisha ha kaba ia dei bad kane ka jingiatyngkhuh kali, mano ba la bakla ban poi sha kane ka jingjia kaba sngewsih ha kaba saw tylli ki mynsiem briew kila duh ei.

Katkum ka jingithuh jong ki puit la ong ba kawei ka trok 12 shaka kaba don ia u number NL-01-AA-5835 kala tynrah ia ka kali Sumo kaba don ia u number ML-11-5377 ha shnong Mawpun ia kaba la niah da u Kingson Salehe 30 snem ka rta.

Ha kane ka jingjia kaba sngewsih ki nongshong kiba don ha kane ka sumo kiba la khlad noh ki long u Kingson Salehe nongniah ia ka kali 30 snem, ka  Moni Borah 24 snem, ka Niti Jontimai Koch 50 snem bad ka ka khynnah samla ka  Nuti Moni Borah ba dang 17 snem. Kine kila khlad ha shen.

Katba kiwei hynrei ngut pat kiba la mynshaw ki long u Rohit Giri 27 snem, u  Gautam Kumar, ka Bhanu Dey Talukdar 31 snem, ka khynnah Twinkle Borah 2 snem,u  Ram Patro 26 snem bad u Santosh Kumar Yadav 34 snem.

Na ka liang jong ki pulit kila ong ba unongniah ia katei ka trok 12 shaka u la phet krad ha dien katei ka jingjia.

What Next?

Recent Articles

Leave a Reply

Submit Comment

*