Iap biej ki thei samla ka Bangladesh ia ki saree na India bas a jur ka jingkhaii tuh:BSF

Sarees seize by the BSF at the Indo Bangladesh border.Shillong, Naitung 02: Ki shipai BSF kila ong ba ki thei samla ka Ri Bangladesh ki da iap biej shisha ia ki saree kiba mih na Ri India dei kane ka jingiap biej jong ki thei samla ka thie ka Ri ba ka sa jur ka jingkhaii tuh ia ki saree na India sha Bangladesh.

Mynta ka sngi ki shipai BSF kila ioh ban kurup shibun bah ka jain saree na ka shnong Muktapur jong ka West Jiantia Hills District ha dien ba ki briew kiba kit ia kine ki jain ban phah sha Bangladesh kila bret noh ia ki sha khlaw ban lait na ka kti jong ki BSF. Kine ki jain saree kaba kila ioh ban kurup ka long palat ia ka phra lak tyngka.

Kum kane ka jingioh kem ia ki jain saree ka long ruh na Pyrdiwah. Ka dor jong ki jain kiba la ioh kurup na Pyrdiwah kaba hap hapoh jong ka East Khasi Hills kala kot sha ka saw lak tyngka. La ong ba ka dor jong ki saree na India ki rem dor bha sha Bangladesh. Hynrei da ka jingpeitngor jong ki BSF la lah ban khanglad ia kane ka jingiakhaii tuh.

Katba na Iew thymmai kaba hap hapoh jong ka Pynursla Police station ki BSF kila ioh ban kurup 12 tylli ki masi ha kaba ka dor jong ki kala kot sha ka ar lak tyngka. Ha kane ka shitaiew mynta ki BSF kila ioh ban kurup haduh 441 tylli ki masi na khappud India Bangladesh bad ha ka dor iew kala kot sha ka 66 lak tyngka.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet