Iap khlam ki sniang ha shnong Lamin, ki shnong ba mar jan kiar na ka bam dohsniang

Shillong, Nailar 03: u Symbud Myntri Rangbah ka jylla u bah Prestone Tynsong, u la iathuh ba ha kine sngi kala don ka jingiap khlam jong ki shniang kumba 15 tylli ei ei hapoh ka shnong Lamin ha West Jiantia Hills District kaba hap hapoh jong ka Amlarem Civil Sub Division.

Haba ia dei bad kane na ka liang jong ka tnad ri jingri jong ka sorkar kala leit sha katei ka shnong bad la shim ia ki nongmunad ba la phah sha North Eastern Regional  Disease Diagnostic Laboratory (NERDDL) Guwahati bad mynta ki dang ap ia ka kaiphot na kane ka jaka peit bniah kaba don ha Assam.

Na ka liang jong ka tnad ri jingri ka suba ba ka lah ban dei ka African Swine Fever (ASF), hynrei katba ym pat ioh ia ka resolt ym pat ban pynthikna shisha ka ei kaei pat, hynrei la shu bthah ia ki shnong kiba don sawdong jong ka shnong Lamin ba kin kiar shipor na ka bam doh sniang.

La iathuh ba ha dien ba katei ka jaka test kala dep ban test ka hap ban phah ia ka kaiphot sha ka sorkar pdeng bad ka sorkar pdeng kan sa phah sha ka sorkar bad ha dien kata yn sa lah ban pyntip sha ki paidbah.

Ban iada na ka jingsaphriang kane ka ASF ka tnad ri jingri kala synreit dawai ia ki jaka ri sniang ha katei ka shnong la ai injek bad la pynlong ruh ia ka jingpynshai paidbah ha kaba ia dei bad kane, ban iada shuh shuh la bthah ba ia mynta ym dei ban shoh doh shniang ha katei ka thain bad ki dei ban kiar na kaba bam doh sniang.

What Next?

Recent Articles

Leave a Reply

Submit Comment

*