Shillong, Nohprah 19: Ai jingiarap u bah Sanbor Shullai sha 36 tylli ki kynhun ban rakhe ia ka Khristmas ha 19-Shillong South Constituency, kine ki kynhun ki long ki kynhun Khristan, ki bym dei Khristan, ki dorbar shnong ki kynhun CCMT bad ki kynhun trei lang.
Kane ka jingai jingiarap ka long ba kin iohban rakhe pynbon burom ia ka Khristmas bad ia ka snem thymmai ba suk ba kmen, kane ka long ruh ban wanrah ia ka jingia sngewthuh jingmut lang ban wanrah ia ka jingiatrilang kaba khlem ia shah niam hapoh ka Konstitwensi.
Ha kane ka jingiarap na ka liang u MLA ba dei ruh myntri sorkar u la mang haduh T.10/- lak tyngka ia kane ka pisa bala sam dei na ka tulop ka jong u ia kaba la sam sha ki paidbah ban ialeh kmen Khriatmas bad snem thymmai.
Na ka liang jong u bah Sanbor u la ai ka jingiarap ia ki paidbah nongshong shnong kiba la lah ban pynneh pynsah ia ka shongsuk shongsain bad na ka liang jong ka party BJP kan ialeh ban wanrah ia ka jingialang kawei bad ka jingialong kawei kaba khlem don kano kano ka jingshah niam bad ha ka jylla ruh baroh kawei.
