Iasoi soskular ka India bad ka WB ban pynkhlain ia ki lad ai jingsumar ha Meghalaya

New Delhi, Naiwieng 01: Ka Sorkar India, ka Sorkar Meghalaya bad ka World Bank ki la iasoi ia ka soskular na ka bynta ki kam kiba iadei bad ka jingai jingsumar ia ki nongpang kaba kot sha ka $40 million ha ka 28 tarik u Risaw, 2021.

Kane ka projek kan kyntiew ia ki lad ai jingsumar bad pynkhlain ia ka jinglah ka jylla ban ialeh pyrshah ia kano kano ka jingeh kaba iadei bad ka koit ka khiah kaba lah ban mih ha ki por ban wan, kaba kynthup ruh ia ka khlam COVID-19.

Ka Meghalaya Health Systems Strengthening Project kan pynkhlain ia ka jinglah ban peit bad pyniaid ia ki kam ai jingsumar ha ka jylla; pyniar ia ka jingpynpoi ia ka insurance; kyntiew ia ki rukom ai jingsumar nongpang lyngba ka jingpynbiang ia ki kam bad ruh ka jingpyntbit ia ki briew; bad plié lad ruh ia ka jingioh ia ki dawai bad ki jingwad bniah kiba biang.

Baroh ki 11 tylli ki distrik jong ka jylla kin ioh jingmyntoi na kane. Kane kan ai jingmyntoi ruh ia kito kiba trei ha ki kam ai jingsumar da kaba kyntiew ia ki sap bad ki rukom treikam jong ki. Kane ka projek kan ai jingmyntoi ruh ia ki longkmie ki ban ioh lad ban ioh ia ki jingsumar kiba biang.

Ka Economic Affairs, jong ka tnat kam pla tyngka ka la ong, “Ka jingpyniar bad ka jingpynkhlain ia ki lad ai jingsumar ka dei ka kam kaba hakhmat tam ia ka Sorkar India.

Kane ka projek kan kyntiew ia ki lad ai jingsumar ha ka jylla. Kan iarap ruh ban pyniar ia ka jinglah ai jingsumar kaba biang dor sha kito kiba duk ba suk bad kiba don ha ka jingma ha ka jylla.”

Ia kane ka soskular la iasoi da u Rajat Kumar Mishra, Additional Secretary, Economic Affairs ka tnat kam pla tyngka na ka bynta ka Sorkar India; u Ramkumar S, Joint Secretary, ka tnat Health & Family Welfare na ka bynta ka Sorkar Meghalaya; bad u Junaid Ahmad, Country Director, India na ka bynta ka World Bank.

Kane ka projek kan pynkhlain bad kyntiew ruh ia ka Megha Health Insurance Scheme (MHIS) – kaba don ha 56% ki longiing mynta. Lyngba ka jingpyniasoh bad ka Pradhan Mantri Jan Arogya Yojna (PMJAY), ka MHIS mynta ka thmu ban ai shuh shuh ki jingshakri bad poi sha baroh ki longiing. Kane kan pynduna ia ki jingeh ha kaba iadei bad ki lad ai jingsumar ha ki hospital bad pynduna ruh ia ka jinglut jingsep jong ki briew.

Ka projek kan iaid sha ka rukom treikam kaba biang lyngba ki Internal Performance Agreement (IPA) hapdeng ka DoHFW bad ki bynta bapher bapher jong ka ka ban wanrah ia ka jingkitkhlieh ha ki kam.

Kane kan iarap bha ban kyntiew ia ki lad ai jingsumar. Kane ka projek kan peit bniah ruh ia ka jingkyntiew jong ka jingiadei hapdeng ki skhim bapher bapher bad kyntiew ia ka jingtreikam jong ka insurance agency jong ka jylla.

Ka projek kan bei tyngka na ka bynta ka jingiada na ka jingiabit jingpang bad ka jingtehlakam ia kane khnang ban lah ban ialeh pyrshah ia kano kano ka khlam ne kano kano ka jingeh kaba iadei bad ka koit ka khiah.

Ki lad ai jingsumar kiba kham bha ki don lad ruh ban kyntiew ia ki jaboh jabain kiba mih na kine ki kam. Kane ka lah ban buh jingma ia ka mariang. Kumta, kane ka projek kan bei tyngka ruh ha ki kam kiba iadei bad ka jingpeit ia ki kam kiba iadei bad ki niut.

Kane kan kynthup ia ka jingjied, jingpynkhuid, bad jinglum ia ki niut da kaba iada ia ka mariang bad kyntiew ia ki lad ai jingsumar na ka bynta ka jingshngain jong ki nongpang.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet