Khliehriat Jylliew 07:, Ka Khasi Students Union Jaintia Hills District Unit mynta ka sngi ka la leit ban ia kynduh ia u Deputy Commissioner ka East Jaintia Hills District ban ioh shuh shuh ki jing pynshai ha kaba iadei ba kane ka khyrdop talasi mynder ha Malidor East Jaintia Hills District.
Ha kane ka jing leit iakynduh ki dkhot ka seng ia u Deputy Commissioner la lam khmat da u bah Satly.S. Ryngkhlem,Vice President KSU-Khliehriat Circle ha ryngkat ka Jingiadonlang ki nongialam ka KSU Jaintia Hills District kaba kynthup ia u Samla Streamly S Niangti Finance Secy bad samla Cherity D Suja Asst General Secy Ka KSU JHDU.
Na ka liang u bah F.M.Dopth, Deputy commissioner East Jaintia Hills u la ong ba ia kane kam la dep ban leh ia ka ha kata ka rukom ba ym donkam shuh ban pynlong iaka jingpynshai paidbah ne Public Hearing.
Naka liang U DC ka East Jaintia Hills ula pynpaw iaka jing sngew khia halor ka jing rem dor palat ka jaka kaba haduh kumba lai klur Tyngka hynrei ula ong pat ba watla katta ruh un sa pyrshang ban iakren bha iaka dor bad u trai jaka u bah Bindro Simpli khnang ba un ioh ban pynduna ka dor.
” Ka kam kala iaid beit shakhmat bad kiei kiei baroh ki la biang lut kaba sah ka long sa tang ban ia pynbeit bha iaka dor jaka” la ong u DC.
Naka liang ka Seng ka la pynpaw ka jing sngew kmen bad sngew nguh ruh ia u DC halor ka jing shim khia jong u halor kane kam bad ka Seng ka la khmih lynti ruh ba yn sa lah ban pyn urlong noh ia kane ka khyrdop talasi mynder ha Malidor khnang ba yn lah noh ban tehlakam ia ka jing wan rung kyrthep ki mynder kiba na bar shapoh ka jylla Meghalaya.
” Ngin iai buddien iakane ka kam khnang ba ka jingshna iaka Jaka rung jaka mih ki mynder kan nym long suki than ” la ong ki nongialam ka Seng.
