Shillong, Iaiong 07: U bah Process T Sawkmie MLA jong ka Mawlai na ka party Cognress u la ong ba lada ka long kumne i mat ka jylla Meghalaya kan nym slem shuh kan sa shong dum na mar ka jingpynlip light kaba khah khah.
Haba kren ha ki lat pathai khubor la ong ba ka don ka jingima kumba ka long mynta ha kaba ia dei bad ka jingpyniaid ia ka bor ding ilektrik bad lada ka long ha kane ka rukom ka jylla imat kan nym shlem shuh ban shong dum lada ka sorkar kam lah ban iarap ia ka MeECL.
U bah Process u la ong ba kan long kaba eh ia ka sorkar ruh shu sei da ki spah spah kluar man ka por, la don kam pynbeit ia ka jingtrei kam jong ka MeECL ban weng ia kine ki jingeh kiba kane ka kopmpeni jong ka sorkar jylla ka ia kynduh jingeh.
Haba phai sha ka jingong ka MeECL ban ot light ia kiba khlem siew bai light, ia kane ka bynta lada ka MeECL kan shuthew da u diengkot na ka liang jong u bah Process u la ong ba um sngew ia hap ban pyniahap lang ia ki dukan, ki karkhana bad ia ki briew ba pyndon kam tnag ha iing.
Kum u MLA u don ka jingsngewkhia ha kaba ia dei bad kane ka jingeh kaba ka MeECL ka ia kynduh bad ha ka juh ka por ong ba ka sorkar ka dei ban shim khia ban pynbeit ia kane ka jingeh ba ki paidbah kin nym shem jingeh.
