Shillong, Iaiong 11: Ka ophis jong u Chief Electoral Officer jong ka jylla Meghalaya ha kane ka MP ilekshon mynta u snem kala ai burom ia kito kiba wan ban thep vote nyngkong na ka bynta san ngut, katba ia ki wei pat kala aid a ka Umsoh, khulom bad ki mimit.
Kane ka jingleh jong ka ophis u CEO jong ka jylla Meghalaya ka long ban khring ia ki paidbah ba kin ia mih paidbah ha kane ka sngi ban thep ia ka vote jong ki ban jied ia u MP sha Lok Sabha.
Katkum ka jinglap jong u SP News Agency ba hapoh jong ka Mawsynram Polling station, ia ki paidbah kiba leit ban thep vote la ai Umsoh, Khulom, Mimit bad ka jingdeng kaba thoh “ Ivoted Today”.
Haba u nongai khubor u la kylli ha kaba ia dei bad kane ka jingai sngewbha ia kiba wan thep vote, kila iathuh ba ki don ki polling station kaba ki paidbah kiba leit ban thep vote kim shym ioh ia kitei ki jingai sngewbha na ka ophis jong u CEO.
