Shillong, Naiwieng 25: Ki shipai BSF kila wan sha khmat ban ai jingiarap ia ki paidbah kiba don ha khappud bad ka Bangladesh bad mynta ka sngi kila pynlong ia ka jingsam dawai ei hapoh ka shnong Mutakpur kaba hap hapoh jong ka West Jiantia Hills District.
Ha kane ka jingaidawai jong ki shipai BSF, kumba 600 ngut ki briew kila ioh jingiarap bad ki dawai kiba la sam ei da katei ka kynhun shipai hapoh ka jingpeit jong ki. Na ka liang jong ki paidbah kila pynpaw ia ka jingsngew kmen bad ka jingsngewnguh ia ki shipai BSF ia kine ki kam kaba ki al leh, ia kane la leh hapohka jingalam jong u Dr A C Bhardwajan, u ba dei u DIG ba dei peit ia ki kam sumar hapoh jong ki BSF.
Ha kane ka sngi u rangbah shnong jong ka shnong Muktapur u la pynpaw ia ka jingkhublei kaba kyrpang ia ki BSF ba ki la lah ban leh ia kine ki kam na ka bynta ka jingmyntoi jong ki paidbah ha ka dong bad ka thain. Naka liang jong u U K Nayal u ba dei u DIG ba dei peit ruh ia ki lad pathai khubor jong ki BSF u la ong ba kin ia leh ban iarap ia ki paidbah ban pynlait na ki jingpang jingshitom.
