Ioh ka jylla Meghalaya ia ka khusnam “The State of the States”  bala kham khiew ha ka rep

Shillong, Naiwieng 22: U nongai buid rangbah jong u myntri rangbah ka jylla u Thomas A Sangma mynta ka sngi u la pdiang ia ka khusnam na ka kti jong u Vice President jong ka Ri India u M Venkaiah Naidu halor ka jingshah jied jong ka jylla , ba na pdeng ki jylla kiba rit ka dei ka jylla kaba kham kiew ha ka rep ka riang.

Ia kane ka khusnam kaba la ai mynta ka sngi la tip kum ka “The State of the States” ia kane ka jingpynkup burom la pynlong ha Taj Mahal Hotel ha nongbah Delhi ha kaba la don lang ruh ki myntri jong ka sorkar pdeng ki myntri rangbah jong ki jylla ba bun jong ka Ri India.

Kane ka khusnam ka dei kaba la ai man u snem da ka India Today, la ai ia kane ka khusnam sha ki jylla ka long halor ka jingbud dien ia ka jingtrei kam ha ka jylla bad ha ki san snem kumno ki paidbah ki la kiew ha ka ioh ka kot.

U Thomas A. Sangma, u la pdiang ia kane ka khusnam  mynta ka sngi ha ka kyrteng jong ka jylla Meghalaya bad kum juh ha ka kyrteng jong u myntri rangbah ka jylla bad ka tnad rep jong ka sorkar Meghalaya namar ka tnad rep kala trei shitom ban kyntiew iaka rep ka riang ha kane ka jylla.

Na ka liang jong u myntri rangbah ka jylla u Conrad K Sangma u la ai khublei ia ka India Today kaba la shim khia ban bud dien ia ka jingtrei jong ka tnad rep ha kane ka jylla, kane ka long ka jingai mynsiem ia ka jylla ba kan dang trei shitom ban kyntiew ia ka rep ha ka jylla bad kane ka khusnam kan long ka bor ia ka jylla ban dang kham trei shitom shuh shuh ban kyntiew ia ka rep.

What Next?

Recent Articles

Leave a Reply

Submit Comment

*