Ioh ka M/s Design Associate ban pynwandur ia ka iing dorbar thawain ka jylla Meghalaya

Mr AT Mandal SpeakerShillong, Naitung 14: Ka High Power Committee (HPC) kaba dei peit ha kaba ia dei bad ka jingshna thymmai ia ka iing dorbar thawain ka jylla ha Mawdiangdiang kala jied ia ka M/s Design Associate na Noida ba kan pynwandur ha kaba tei ia ka iing dorbar thawain ka jylla Meghalaya.

Haba kren ha ki nongthoh khubor na ka liang jong u Speaker jong ka iing dorbar thawain ka jylla u AT Mondal u la iathuh ba shen ynsa khot ia ka tender ban tei ia ka iing dorbar bad la buh ia ka por ba ka jingtei ia kane ka iing dorbar kan sdang ha u bnai Risaw. Katkum ka jingsngew ka jong u ka long ba ia kane ka iing dei ban pyndep hapoh ka ar snem shiteng.

Ka jingtei ia ka iing dorbar kan long ha ki ar bynta, ha ka bynta kaba nyngkong kan long tang ia ka iing dorbar bad ka jinglut na ka bynta kane ka iing la mang kumba T.95 klur tyngka ka lah ban tam ne duma, ha kane ka iing kan long ka iing dorbar ka ophis jong u Speaker, Deputy Speaker, Nongialam ka liang pyrshah, jong u Myntri rangbah, karma jong ki myntri, kamra jong ki liang pyrshah bad ki liang synshar.

Kumba ka long mynta la don ha ka mang tyngka T.20 klur ban sdang ia kane ka iing dorbar bad ia kane ym bei pisa da ka sorkar jylla. Ka jingheh jong ka jaka ban shna ia ka iing dorbar ka long 80 akar, ha ka bynta kaba ar yn shna ia kiwei kiwei ki jingdon kam kum ki jaka sah jong ki MLA ki jaka sah jong ki nongtrei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet