Shillong, Naitung 05: U Superintendent ki pulit jong ka East Khasi Hills District u bah Sylvester Nongtnger la pyntip ba ki pulit kila ioh ban kem ia u bah Weles UMsong 32 snem ka rta na shnong Nongwar.
Ha ka kyrwoh kaba la phah da ka tnad pulit la ong ba ha ka 13th Jylliew 2022 ki pulit jong ka Madanryting kila ioh ia ka jingujor ba la lap ia ka met jong u bah Snor Kharkongor 40 snem ba dei na ka shnong Rasong la lap ia ka met jong u na riat Mawriwar ha shnong Pyngkya ha East Khasi Hills District.
Ka tnad pulit kala phah ia u Elias R Marak jong ka Madanryting sha katei ka jaka bad ia ka met la ioh ban sei ha ka 14th Jylliew 2022 bad ia ka met la rah sha NEIGHRIHMS ban leh ia ka jingpeitbniah ia ka met iap.
Haba ia dei bad kane ka jingjia ki pulit kila register ia ka ejahar hapoh Madanryting Police station da kiba ha iing ha ka 22nd Jylliew 2022 kiba ha iing ki suba jur ba u ba iap dei ba shah pyniap bad ki pulit kila pynlong ia ka jingtohkit.
Ha kane ka jingtohkit ki pulit kila suba ba lah ban dei u bah Weles Umsong 32 snem bad u tei u briew la phet rieh sha shnong Nongwar kaba hap hapoh jong ka Sohra Civil Sub Division na u tei u briew la lap ia ka Mobile jong u ba khlad.
Ha ka jingkylli ki pulit u bah Andrew la iathuh ba u la ksih ia u bah Snor Kharkongor 40 snem bad bret ia u shariat na ka liang jong ki pulit kila rah ia u sha iingbishar bad mynta dang don ha kti pulit ban tohkit halor kane ka jingshah pyniap briew.
