Ioh khusnam ka jylla Meghalaya na u Myntri Rangbah duh ka Ri ba kiew ki kam rep

Shillong, Lber 17: U Myntri Rangbah Duh jong ka Ri India u Narendra Modi mynta ka sngi u la ai ia ka khusnam sha ka jylla Meghalaya ha kaba ia dei bad ka jingkiew ha ka rep ka riang.

Ia kane ka khusnam la ai da u Myntri Rangbah duh jong ka Ri India sha u Myntri rangbah jong ka jylla u Conrad K Sangma ha nongbah Delhi mynta ka sngi, ia kane ka khusnam la pdiang da u myntri rangbah ka jylla ha ka kyrteng jong ki paidbah ka jylla Meghalaya ha ka jingiadon lang u myntri ialehkai u bah Banteidor Lyngdoh.

 

Na ka liang jong u myntri rangbah ka jylla u Cornad u la ai ia kane ka burom sha ki paidbah jong ka jylla bad ha ka juh ka por u la ai khublei ia myntri rangbah duh jong ka Ri u Narendra Modi na ka bynta kane ka khusnam. Kane ka khusnam kaba la kylla ka dei na ka jingtrei shitom jong ki nongrep la ong u Conrad.

 

Ia kane ka khusnam la ai ha ka jingialang kaba la long ha Pusa ha Delhi ha kaba la pynlong ia ka Krishi Unnati Mela. Ha ka jingkren jong u Myntri rangbah duh jong ka Ri India u la ong ba kane ka Unnati Mela kan long ka lynti ba thymmai ban kyntiew ia ka ri India ha ka liang ka rep ka riang.

Na ka liang jong u myntri rangbah duh jong ka Ri India u la ong ha kane ka jingialang ba ka sorkar pdeng kan pynthikna ba ki nongrep kin ioh ia ki symbai kiba bha ha ryngkat ki lad jingiarap kiba bun kiba ka sorkar kala leh na ka bynta jong ki nongrep ha ka Ri bad ba kinioh ia ka iew kaba biang ha ka pyrthei la ong u myntri rangbah duh jong ka Ri u Narendra Modi.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet