Shillong, Naitung 13: Ka jingjop jong ka ‘Monolith Festival 2016’ kaba dei ka jingleh kmen kaba ar ia kaba la pynlong ha Mawphlang jan Lawkyntang kala ioh ia ka khusnam Wow Awards Asia 2017, ia kaba la ai hapoh ka nongbah Delhi mynta u bnai.
Kane ka “WOW Awards Asia” kane ka khusnam ka long kaba khraw ban ioh ia kane ka burom, ia kane la shim khia da ka EVENTFAQs da ka jingiatreilang bad ka Entertainment and Event Management Association (EEMA), na ka dewlynong Bahrain jong ka Dubai Tourism Board.
Ka snem 2016 kala don ka jingiatreilang bad ka KPMG ha India kaba dei peit ia kane ka kam ban shim ia ka rai ban ai khusnam iaki jinglehkmen ha ka pyrthei ia kaba la tip kum ka International Live Events Association (ILEA) – Middle East Chapter bad kane kala dang pynkhlain ia ka WOW Awards Asia 2017.
Ka burom na ka bynta kane baroh ka leit sha ka KHADC, ka Khasi Heritage Conservation Forum, kaba kynthup ia u Bah Alan West Kharkongor, Prof. Desmond Kharmawphlang, u Bah Neil Antonio War, Bah Kyntiewbor War, Kong D.M. Lyngwa, Bah Banlumlang Blah, Bah Peter Mawlongwho, kiba la shim ia kane ka jingkitkhlieh ban pynlong ia kane ka jinglehkmen kaba jop.