Shillong, Naitung 11: Ki pulit kila pyntip ba kila ioh ia kawei ka long kmie na Mawryngkneng kaba iaid ruma ha surok bah bad haba ki la kylli la shem ba kane ka long kmie ka dei ka bym nang ban kren bad kam ioh sngew.
Na ka liang jong ki pulit kila shimti ia kane ka long kmie kaba la antad ba kala don ha pdeng 58 lane 60 snem ka rta ban phah sumar bad ha dien katta kila leit ban buh ia ka ha ka jaka ban sah ki briew ki bym don iing don sem ha Ferando Shelter Home bad mynta la rah ia ka sha MIMHANS ban surmar.
Na ka liang jongki pulit kila ong ba lada don na pdeng jong ki riew paidbah kiba ithuh kila ban ia kren bad u OC jong ka Mawryngkneng police station ban shimti ia ka. Na ka jain saree jong ka la ong ba kane ka long kmie kam dei na ka jaidbynriew riewlum.
