Shillong, Iaiong 29: Ki shipai BSF kiba iada ia u pud u sam jong ka Ri kiba don ha khappud jong ka jylla Meghalaya bad ka ri Bangladesh kila ioh ban kurup haduh 125 kilo u sniuh briew ba khaii tuh sha Bangladesh na Meghalaya lyngba ka East Khasi Hills District.
Ki shipai BSF ki ong ba kane ka jingkhaii tuh ia sniuh bnriew na Meghalaya sha Bangladesh ka long ban shna ia u sniuh kai bad na Bangladesh la shallan sha bar ri, ki BSF haduh mynta kila ioh ban kurup 225 kilo u sniuh briew naduh u bnai Kyllalyngkot 2022.
Ha ka juh ka por ki BSF kiba la ap ktem bha kila ioh ban kurup haduh 73 tylli ki masi na East Jaintia Hills ha khappud bad ka Bangladesh la ai jingkhein ba tang mynta u bnai la ioh ban kurup haduh 450 tylli ki masi kam ki BSF.
Na ka daw jong ka jingkiew kane ka kam khaii beain sha Bangladesh na ka liang jong ki BSF kila dang pynkhlain shuh shuh ia ka jingpahara ha khappud ban iada na ka ki nongkhaii beain bad ha ka juh ka por ban ai ka jingiada kaba pura ia u pud u sam ban khanglat ruh ia ki kam beain.
