Ioh Laptops 294 ngut ki samla pule ba pass bha ha ka Class X,XII jong u snem 2017

Dr Ampareen Lyngdoh 22: Ka myntri ba dei peit ia ka tnad Information Technology jong ka sorkar Meghalaya mynta ka sngi kala sam ia ki laptops sha ki 204 ngut ki khynnah skul kiba la wan sha khmat eh ha ka eksamin class X bad Class XII 2017 na ka  MBOSE, ISC bad CBSE ia kane ka jingsam la pynlong ha  Yojana Bhavan, Shillong.

Ha ka jingkren jong ka kong Ampareen Lyngdoh, kala ong ba ka dap da ka jingkmen ban ioh ba bun ki samla pule ryngkat ki kmie ki kpa kila poi lang ha kane ka jingsam ia kine ki Laptops kane ka long ba ka sorkar ka bunrom ia ki khynnah kiba la trei shitom ban poi sha ka thong ha ka jingpule ka jong ki bad kane ka long ka jingpynshlur ba kin dang leh bh shuh shuh ha ka jingpule ka jong ki ha kane ka juk jong ka jingiakop.

Ka kong Ampareen kala ong ba ha kane ka por mynta ki kmieki kpa kim dei ban pynbor ia ki khynnah kano ka bynta ba kin leit ban pule hynrei ai lad ia ki khun ba kin jied ia kano ka bynta ba kin leit ban pule ia kaba ki kwah ba kin poi sha ka thong ka jong ki kumba ki angnud.

Ha kane ka sngi ka myntri kala kren ruh ia ka koit ka khiah jong ka met namar kane ka long kaei kaei kaba kren ia ka jinglong jong u ne ka khynnah, haba ki khynnah ki long kiba shait ba khlain kila lah ban pyndep ia kaei kaba ki angnud ha ka jingkwah ka jong ki bad kin long ki mawkordor ia ka jylla bad ia ka ri, la ong ka myntri.

Ha kane ka sngi u principal secretary jong ka tnad IT u Bah DP Wahlang ruh u la ia don lang, ryngkat u Bah M R Syrem Secretary, u Bah E Lyngwa na katei ka juh ka tnad sorkar ban ia skhi lang ia kane ka sngi burom ia kine ki khynnah bala pass bha.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet