Ioh pynlait ki pulit ka jylla Meghalaya ia ka samla Lamidaka na kti ki nongrah bor na Siliguri

Shillong, Nailur 25: Ka long ka jingjop kaba khraw ia ki pulit jong ka jylla Meghalaya ha kaba kila lah ban pynlait ia ka samla Lamidaka Rymbai kaba la shah rahbor ha ki riew sniew na Guwahati ha ka 2 tarik Rymphang 2017.

Kane ka samla kaba la 24 snem ka rta ka trei kum ka Nos hapoh jong ka GNRC Hoispital Guwahati bad kala jah la ka jah na ka iing wai kaba sah kaba jngai tang kumba 50 metters na ka jaka kaba ka trei. Halor kane ka jingjah ka kmie ka kong Je,ina Rymbai kala ai ia ka jingujor sha ki pulit ha ka 21 tarik jong u juh u bnai.

Halor kane ka jingjah jong kane ka samla na GNRC Hospital, na ka liang jong ki pulit jong ka East Khasi Hills kila trei shitom ban wad ia ka ha kane ka jingwad la ioh ban kem ia u Nur Muhammad na ka shnong Sonatary jong ka Tarabari Police Station Barpeta, da ka jingiatreilang bad ki pulit jong ka Boko Police Station la shem ba u don kti ha kaba pynjah ia kane ka samla namar dei ma u u ba la kam ba u la iehnoh ia ka ha Hajo ha dien ba u la lait na ka jingkieng Saraighat.

Ha dein jong kane na ka liang jong ki pulit ka jylla Assam kila register ia ka mukotduma hynrei kim shym la lah ban lap sha ei ka don na ka liang jong ki pulit ka jylla Meghalaya kila bud dien ia kane ka kam ryngkat bad ka kynhun kaba die peit kyrpang ia ka jingiakhaii kynthei. Ha kane ka jingiatrei shitom la ioh jingtip ba kane ka samla kala shah die sha West Bengal.

Haba la ioh ia kane ka jingtip ki Pulit jong ka jylla Meghalaya ryngkat bad ki pulit jong ka jylla Assam kila hiar sha Siliguri ha ka 22 tarik mynta u bnai ha kaba la ioh ban pynlait ia kane ka samla na ka kti jong ki nongrahbor na Khalpara ha Siliguri, hynrei shuwa ba kin poi ki pulit ki nongrah bor kila ioh ban phet. Na ka liang jong ki pulit ki dang thwet ia ki nongrahbor bad ka jingtohkit ka dang iaid.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet