Shillong, Nohprah 16: Ka kynhun nongiakura, ka All Meghalaya Karate-Do Association (AMKDA) kala phah 53 ngut ki samla kane ka jylla sha ka jingiakura kaba la tipkum ka 6th NESKFI North East Karate Championship 2018 kaba la pynlong hapoh jong ka Assam Riffle Training Centre ha Dimapur jong ka jylla Nagaland.
Kane ka jingialehkai kala long ar sngi lynter kaba la sdang ha ka 10 bad kut ha ka 12 tarik mynta u bnai, ha kane ka jingialehkai ki samla jong ka jylla Meghalaya kila ioh ban rah 5 tylli ki takma ksiar, 10 tylli ki takma rupa bad 27 tylli ki takma rynong. Baroh kiba la ia poi sha kane ka jingiakop ia kura na ki phra tylli ki jylla ka dong shatei lam mih ngi ki long 370 ngut baroh.
Ki samla kane ka jylla Meghalaya kiba la ioh rah ia ka takma ksiar ki long u Ram Lanong, Lakhon Lanong, Loreenia Mawlong, Wandahunshisha Mawblei, Banylla Shallam.
Kiba la ioh ia ki takma rupa ki long, U Ram Lanong, John Basaiawmoit, Freddy B. Syiem, Jeremy Kurkalang, Glikerius Buhphang, Isadora A. Lyngdoh, Elisheba Khongwar, Lawandashisha Muttyent, Ankita Koch bad kiba la ioh ia ka takma rynong ki long 27 ngut.
