Shillong, Rymphang 14: Ka Khadsawphra College mynta ka sngi kala pynlong ia ka jingpdiang burom ia u samla Sumarlang Marwein u ba pule ha ka klass XII Arts u bala mih khmat ia ka Ri India ha ka jingialehkai iakura ia kaba la tip kum ka “Karate do” kaba la long ar sngi lynter ha Hongkong ha ka 9 bad 10 tarik mynta u bnai.
Ha kane ka jingiakop ia kura ba para marwein u la ioh ban rah ia ka Takma Ksiar ha ka kyrdan jong ki para baheh,ha ka kyrdan Black Belt. Na ka liang jong ka College kala dap da ka jingkmen halor kane ka jingjop ka jong u bad mynta ka sngi ka College kala pynlong ia ka jingpdiang burom ia une u samla pule.
Ia kane ka lyngpung jingialehkai la pyniaid da ka “Eagle Commando International Martial Arts Shorin Ryu Shido u ban a Texas jong ka Ri United State jong ka America.
Na ka liang jong u Principal jong ka College u Bah Boldness Lyngdoh Nongum ryngkat ki samla pule jong kane ka College kila pdiang burom ia u bad kila ai ka jingkyrkhu kyrdoh ba u dang kiew irat ha kane ka jingialehkai bad un dang wanrah burom shuh ym tang ia ka College hynrei ia ka Ri bad ia ka jylla baroh kawei.
