Shillong, Risaw 21: Ki pulit jong ka Garo Hills kila ioh ban tam ia u wei u bom Grenade ba la shan ha China bad 25 tylli ki kuli 7.65 kiba khlem pat pyndon kam na Dosagre mynta ka sngi.
Katkum ka jingiathuh jong ki pulit la ong ba ia une u bom bad ia ki kuli la buhrieh da u dkhot jong ka seng lehnoh GNLA u Bande Ch Marak ia u ba la sien kyrteng ruh kum u Border bad Kora ia kaba la kem da ki pulit jong ka South GaroHills District ha u snem 2017.
Na ka liang jong ki pulit kila ong ba ka shnong Dosogre ka dei ruh ka shnong jong u Nilrak M Sangma ia kaba la sien kyrteng ruh kum u Kaltush. Na ka liang jong ki pulit kila pynlong ia ka jingtoh kit ban lap shuh shuh ia ki tiar ba la buh rieh da ki dkhot ka GNLA.
