Ioh u Bah Himalaya 136 ki Unit, u Bah Sylvestar 0 ha ka jingiapan tiket Congress na Mawsynram

Shillong Risaw 30: Ka Mawsynram BlocCongress aspiring candidate from Mawsynram.k Congress Committee (MBCC) mynta ka sngi da kawei ka jingmut kala rai ban phah ia ka kyrteng jong u Bah Himalaya M Shangpliang  sha ka District Congress Committee (DCC) bad kumjuh ruh sha ka Meghalaya Pradesh Congress Committee (MPCC) ban long kum u kyrtong jong ka party Congress na Mawsynram Constituency na ka bynta ka election MLA 2018.

Ia kane na ka liang jong ka MBCC kala pynbna ha ka General Council kaba la ia shong mynta  ka sngi ha Mawsynram Rit Mawsir ha kaba ki nongkitkam jong ka Mawsyneam Block ba kynthup naduh ka EC jong ka Block, ki seng kynthei, ka kynhun ki samla  bad kumjuh ruh ha ka jingia donlang jong ki President bad Secretary jong ki area bapher bapher.

Ha shwa ban pynbna ia ka kyrteng jong u Bah HM Shangpliang ban phah sha ka DCC bad kumjuh ruh sha ka MPCC na ka liang jong u President jong ka MBCC u Bah Khelor Sing Kharnaior u la aiti ia ka phom jong ki kyrtong kiba la pan tiket na ka party Congress ha u Block Election Observer (BEO) uba dei peit ia ka Mawsynram u Bah Pynthymmai Bor Chyne.

Na ka liang jong u Bah Khelor u la pyntip ba na ka liang jong ka MBCC kala ioh pdiang ia ka kyrteng jong ki ar ngut kiba la pan tiket ban iakhun na ka party Congress na Mawsynram bad kine ki kynthup ia u Bah HM Shangpliang bad u Bah Sylvestar Marwein.

Shuh shuh u Bah Khelor u la iathuh ba napdeng jong kine ki ar ngut ki kyrtong kiba la pan tiket, hynrei haba khmih bniah ia ka jingai jingmynjur na ki primary unit kiba pher bapher kiba hap hapoh jong ka Mawsynram kadei tang ka kyrteng jong u Bah HM Shangpliang kaba u la ioh ia ka jingmynjur kaba bun tam napdeng ki primary unit baroh.

U Bah HM Shangpliang u la ioh ia ka jingmynjur na 136 tylli ki primary unit kiba don hapoh jong ka Mawsynram Constituency bad hadien ba la ioh pdiang ia kane ka jingmynjur ka General Council da kawei ka sur kila mynjur ia ka kyrteng jong u Bah HM Shangpliang ban long kum u kyrtong jong ka party Congress na Mawsynram katba u Bah Marwein u khlem ioh wat tang na kawei ka primary unit. Shuh shuh u Bah khelor u la ong ba “Ngi kyrmen skhem ba ka party Congress na Mawsynram ha u 2018 ngin ioh ia ka jingjop kaba don burom ym kum ha kine ki snem kiba la leit”.

Na ka liang jong u Secretary jong ka MBCC u Bah Bhalang Kharbani u la ong ba hadien ka jingmynjur jong ka block hi baroh kawei ngin sa phah tang ia ka kyrteng jong u Bah HM Shangpliang ban long kum u kyrtong jong ka party congress na Mawsynram sha ka DCC bad kumjuh ruh sha ka MPCC.

“Ngi la ioh ia ka jingmynjur na ki 136 tylli ki primary unit jong ka party congress tang ia ka kyrteng jong u Bah HM Shangpliang bad ngim don shuh sa da kiwei de ki kyrtong lait noh tang ka kyrteng jong u Bah Hima” ong u Bah Bhalang. Na ka liang jong u Block Election Observer (BEO) uba dei peit ia ka Mawsynram u Bah Pynthymmai Bor Chyne haba kren ha kane ka General Council u la ong “Ia nga la bthah tang ban wan peit tang ia ki kyrteng jong ki kyrtong kiba kwah ban iakhun election na ka party bad ia ka rai kaba phi shim bad mynjur lang ha kane ka sngi” u la ong.

Nga la ioh pdiang ia ar tylli ki kyrteng na ka phom ba la aiti da u President jong ka MBCC ba kynthup ia ka kyrteng jong u Bah HM Shangpliang bad u Bah Sylvestar Marwein bad ia kane ngan sa rah sha ki bor kiba halor ia kaei kaba nga la sakhi da ka jingmynjur lang ka jong phi da kaba rah kti lang baroh tang ia kawei ka kyrteng ong u Bah Chyne.

Haba kynthoh jur ia ka jingpyrshang ban pyntlod bor jong kiwei pat ki party ia ka party congress na ka liang jong u Bah Chyne u la ong ba baroh ki party mynta ha ka jylla ki kynthoh jur ia ka party congress da kumne da kumtai tang ban pyntlod bor ia  ka.

What Next?

Recent Articles

Leave a Reply

Submit Comment
*