Ithuh ka HRD Ministry ia ki 75 tylli ki NRC ha Ri ban pyntbit lyngba ka SWAYAM

New Delhi, Jymmang 05: Ka tnat Human Resource Development, Sorkar Pdeng mynta ka la plie ia kawei ka lad pyntbit na ka bynta ki nonghikai lyngba ka SWAYAM. Ha ka bynta kaba nyngkong, la ithuh haduh 75 tylli ki National Resource Centre ki ban pynkhreh ia ki jingdonkam ban ai jinghikai lyngba ka internet da kaba peit bniah ia ki jingkylla thymmai ha ki discipline ki bapher bapher.

Ki jaka pule bapher bapher kum ki centre hapoh ka Pandit Madan Mohan Malaviya National Mission on Teachers and Teaching (PMMMNMTT) kiba don ha ki Central University, ki IISc, ki IUCAA, ki IIT, ki IISER, ki NIT, ki State University; ki Human Resource Development Centres (HRDCs) jong ka UGC, ki National Institutes na ka bynta ka Technical Teachers Training (NITTTRs), ki IIIT, ki Open University la ithuh kum ki NRC mynta.

Kine ki NRC ki ailad ban pyntbit ha ka Social Science, Science, Engineering bad Technology, Design bad Manufacturing, Humanities, Language Teaching, Commerce, Management, Education Planning bad Administration, Public Policy, Leadership bad Governance, Library bad Information Science, Astronomy bad Astrophysics, Assessment bad Evaluation, Pedagogy bad ki rukom leh research, ki Nano-sciences, lem bad kiwei kiwei.

Da kane ka jingleh, ki nonghikai kiba la don mynta ha ka jingtrei kin don lad ban pyntbit ialade katkum ki jingkylla ba mih lyngba kine ki online refresher course. Ki NRC kin wanrah ia ka Refresher Module ban kynthup ia ki jingkylla kiba thymmai shuwa jong u ka 15 tarik u Jylliew man la ka snem. Ia ki bynta jong ka training yn buh online bad ia kine lah ban ioh lyngba ka SWAYAM na ka bynta baroh ki nonghikai naduh 1 tarik Risaw man u snem bad katkum ka jingpdiang ia kane baroh, lah ban bteng biang ha u bnai Kyllalyngkot ban wan. Ka NRC kan pynmih ia ki kyrteng jong ki nonghikai kiba la ioh certificate shuwa ka 31 tarik Nohprah, 2018. Ka UGC kan ai order bad ki regulation na ka bynta ka Career Progression bad APIs.

Ki nonghikai ki lah ban ioh ka jingmyntoi na kane namar ka long kaba ailad ia ki ba kin pyntbit ia lade katkum ka jinglait por jong ki shimet. Ki NRC kin pynkylla lut ia ki lad pyntbit jong ki nonghikai kiba hikai ha ka higher education da kaba plie lad ia kumba 1.5 million ngut ki nonghikai lyngba ka jingpyndonkam ia ka ICT bad ka online technology lyngba ka SWAYAM.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet