Shillong, Nohprah 23: Mynta ka sngi u Lamphang ka iing dorbar tahwain ka jylla u bah Metbah Lyngdoh u la ai ka jingithuh ia ki 13 ngut ki MLA ba kin long ki dkhot jong ka All India Trinamul Congress bad kane ka jingithuh ka long naduh ka 24th Naiwieng 2021.
Ki 12 ngut ki MLA kiba la iathuh mynta kum ki dkhot jong ka AITC, ki long u Dr Mukul Sangma, bah Charles Pyngrope, bah Himalaya M Shangpliang, bah George B Lyngdoh, bah Shilang Pale, u Zenith Sangma, u Winnerson D Sangma, u Marthon M Sangma, u Jimmy D Sangma, u Lazarus M Sangma, ka Miani D Shira bad ka Dikkanchi D Shira.
U Lamphang ka iing dorbar ha kaba ai ia ka jingtihuh ia kitei ki 12 ngut ki MLA kum ki Dost jong ka AITC, la kdew katkum ka kyndon kaba 4 jong ka khyrngit kaba shiphew jong ka riti synshar jong ka Ri India bad kane ka jingithuh ka long naduh ka 24th Naiwieng 2021.
