Shillong, Nohprah 04: Kiba ha iing ha sem jong ki ar ngut ki khynnah kynthei, ki la leit ban ujor sha ki pulit jong ka Mairang Police station ba ha ka sngi Thohdieng ka Rikynti Wahlang 13 snem bad ka Lidiancy Rani 14 snem na ka shnong Maw Phanniew jan Nongkhlaw kaba hap hapoh Mariang kila wan sha Shillong bad naduh katei ka sngi ki khlem wan phai shuh sha la iing.
Katkum ki lad khubor kiba la lah ban ioh la ong ba kine ki khynnah kila mih ha iing khlem da ka iathuh ha kiba ha iing ha sem dei tang ha dien ba la don kiba iathuh ba la iohi ia ki sha Shillong bad kila pyntip wud wud sha ki pulit jong ka Mariang halor ka jingwan Shillong jong kine ki ar ngut ki khynnah.
Katkum ka jingiathuh jong kiba ha iing la ong ba kine ki khynnah kim don phone bad ki bad na ka liang jong ki kmie ki kpa bad ki pulit kila wad ia kine ki khynnah bad kiba ha iing ha sem kiba don ha Mawlai Mot Syiar hynrei kim don. Kine ki khynnah naduh katei ka sngi haduh mynta kim pat poi sha la iing jong ki sha Maw Phanniaw.
Na ka liang jong ki pulit jong ka Mairang kila pyntip kylleng ba lada don ba lap ne iohi ia ki sha ei ki don kin sngewbha ban pyntip mar mar sha ki pulit. Ka jingwad ia kine ki khynnah ka dang iaid na ka liang jong kiba ha iing bad kum juh na ka liang jong ki pulit.
