Shillong, Nohprah 01: Namar ka jingbym tip ia ki kyndon ha kaba ia dei bad ka jingbert ia ki jaboh kala ktah ia ka khuid ka suba jong kane ka nongbah Shillong baroh kawei. Kane ka jingbert jaboh pathar kala pynjaboh ia ki surok, ki lynti iaid kjat, ki jaka ieng kali paidbah ha ki skul bad ki skulbah bad ki iew ki hat.
Haba ia dei bad kane na ka liang jong u Deputy Commissioner jong ka East Khasi Hills District u la bethah ia ki paidbah ba kin lum bad bret ia ki jaboh ha ki jaka kiba la buh kiba la don ha ki bynta bapher bapher jong kane ka nongbah Shillong bad kum juh ha ki jaka jong ki riew shimet.
Kino kino kiba bret pathar ia ki jaboh kin ngat hapoh ka kyndon jong ka ain kaba 102 jong ka Meghalaya Police Act, 2010. Katkum kane ka yn ka long ki ba bret jaboh pathar kin shah dain kuna T.5000/- tyngka.
Na ka liang jong ka iing bishar jong ka Meghalaya High Court kala shim khia bha ban wanrah ia ka jingkhuid jing suba hapoh kane ka nongbah Shillong, ban leh ia kane baroh ki kynhun bapher bapher bad ryngkat ki paidbah kin ia trei lang na ka bynta ban wanrah ia ka jingkhuid hapoh kane ka nongbah Shillong.
