Shillong, Naitung 28: U Bah Vivek Syiem, MPS Superintendent Police (City) mynta ka sngi u la pynmih ia ka jingmaham kaba tyngeh ba lada lap ia kino kino kiba thied ia ki mible kiba shutuh yn set phatok lai snem. La ong ba ka jingujor jong ki paidbah halor ka jingshah tuh mobile ka long kaba la jyllei haduh katta katta.
Ka jingshah tuh ka long khamtam eh na ki jaka iew jaka hat bad kine ki nongtuh bun sien ki juh peit bha ia ki briew kiba dei na ki nongkyndong. La bethah ruh ia ki paidbah ba kin long kiba husiar ha kaba rah ia ki mobile jong ki kim dei ban shu bat pathar ha ki kti jong ki namar kane ka pynsuk ia ki nongtuh ban knieh.
Kine ki nongtuh ynda kila ioh tuh ki die tador ia ki ha iew ha hat da kaba phah pynkylla ia ki password bad kid a pan ruh na ki dukan ia ki synduk ban pyni ba kamd ei ka mobile ba tuh. Kiba ngat ha kum kine ki jingshah tuh mobile dei ki nongkyndong. Ka jingshah knoieh mobile ki briew ha u snem 2015 kalong 127 tylli, ha u snem 2016 ka long 158 tylli bad 2017 haduh u bnai Jylliew mynta u snem ka long 60 tylli. Kaba la ioh biang da ki pulit ka long tang 77 tylli.
Haba ia dei bad kum kine ki jingtuh bad thied ia ki mobile ia u ba thied yn pyngat hapoh ka kyndon 411 IPC, ha kaba ka jingpynshitom kan long ban set phatok haduh lai snem ia u nongthied.
