Jied ia ki nongmih khmat kiba lah ban trei na ka bynta u paidbah kyntu u CEC barim

Mr H Brahma former CEC adress the crowd at Polo today.Shillong, Naitung 01: U Chief Election Commissioner ba rim jong ka Ri India u H Brahma ha ka jingkren ka jong u sha ka jingplie ia ka “Unite Mission” ha kane ka jylla Meghalaya kaba la pynlong ha JN Stadium, u la kyntu ia ki samla ba kin jied ia ki nongmih khmat la ka long sha iing dorbar jong ka Ri, ne sha ki Legislative Assembly ba kin jied ia ki briew kiba lah ban trei na ka bynta jong u paidbah, lada la bakla ym lah shuh ban babe.

Katba na ka liang jong u Chief Secretary jong ka jylla u Y. Tsering u la plie paidbah ia kane ka “Unite Mission”  na ka bynta ban pynrung kyrteng ia kito ki samla kiba la kot sha ka 18 snem bad haduh 21 snem kiba khlem pat don kyrteng ha ka electoral roll.

Ha ka jingkren u Chief Secretary u la kyntu ia ki paidbah ba kin pynrung kyrteng ia la de hapoh ka electoral roll bad ba ki dei ban ia don bynta lang ha ka synshar khaddar ha kane ka Ri Synhar paidbah namar ka dei ka kamram jong u wei pa u wei ban bat ia kane ka burom ban ia shim bynta ha ka jingiathep vote ha ka por election.

Shuwa ban plie paidbah ia kane ka “Unite Mission” kala don ka jingbam smai ha kaba la ialam da u CEC barim jong ka Ri u H. Brahma, ha kaba la ia donlang u Bah FR Kharkongor CEO jong ka jylla Meghlaya, Bah P S Dkhar DC jong ka East Khasi Hills District bad kiwei kiwei ki heh sorkar jong ka jylla ha ryngkat ki khynnah skul kiba la ia poi palat ia ka 2800 ngut na ki 120 tylli ki skul jong kane ka nongbah Shillong.

Ha kane ka sngi la plie ruh ia ka Meghalaya Votes mobile application ia kaba la shna da ka  G2C mobile application  na ka bynta ka jingmyntoi jong ki paidbah ka jylla ha kaba ki lah ban wad ia ka kyrteng jong ki ha ka electoral roll,  ha ka District, ka Constituency  bad ia ka EPIC jong ki ha ka jaka kaba ki don. Lyngba kane ka application ki paidbah ki lah ban tip bun ei ei ha kaba ia dei bad ka election, ha kane ka sngi la sam ruh ia ki khusnam bad ia ki epic sha kiba dang rung thymmai.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet