Shillong, Nohprah 16: Ka Office International Affair (OIA) ba dei na ka skul bah NEHU kala jied ia ki 14 ngut ki samla pule ban leit sha Japan kane ka dei shibynta jong ka “Indo-Japan Cultural exchange program 2023”.
Ia kine la jied da ka kynhun wat bniah jong kine ki ar tylli ki ri, ka India bad ka Japan, ha kane ka jingleit sha Japan kin ioh ia kynduh ia u myntri rangbah duh ka ri Japan u Fumio Kishida bad ka kynhun myntri bad ia ka dong shatei lam mih ngi ka Ri India ka buh kham kyrpang ha ka jingiapyniraim tynrai.
Ha kane ka jingleh burom ia kitei ki samla Pule ban leit sha Japan u Prof. P.S. Shukla, Vice-Chancellor ka skul bah NEHU, la ong ba hapoh ka jinglong myntri rangbah duh jogn ka Ri India u Narendra Modi la shim bun ki lat ki lynti ban kyntiew ia ka pule puthi hapoh NEHU bad kan shim por ban khring ia ka jingwan bei pisa na katei ka ri sha kane ka thain.
La ong ba ynda ka ri Japan kala lah ban bei shibun ki kam pynroi sha kane ka thain kan don a jingia jan ha pdeng ki samla pule na kane ka thain bad ka ri Japan bad ki samla pule ka NEHU kin ioh ia kata ka lat ha kiba bun ki liang, ka khaii pateng, ka jingia treilang ha ki kam mashin bad kiwei kiwei.
Ia kane ka jingialang la pynlong da ka kynhun ba pyniaid ia kane kaba la ialam da u Prof. Nirmalendu Saha bad Prof. Bhagirathi Panda, Honorary Director, Indian Council jogn ka Social Sciences bad Research ka NEHU. Na ka liang ki samla pule kila pynpaw ia ka jingsngew kmen ban ioh ia kane ka lat bad ki khmih lynti ioh bun ki jingmyntoi na kane ka jingleit sha Japan.
