Jied ka parliamentary party jong ka UDP ia u Bah Metbah ban long nongialam ka PP

Shillong, Nailar 05: Mynta ka sngi ki MLA jong ka United Democratic Party (UDP) bad ar ngut ki MLA kiba la pyniasoh bad ka party kila ia kynduh ha iing sah jong u Bah Metbah Lyngdoh ban ia kren ia ki kam jong ka party.

Ha kane ka jingialang da kawei ka sur ka UDP kala jied ia u Bah Metbah Lyngdoh ba un long u nongialam jong ka Parliamentary party jong ka party UDP, ia kane la leh ha ka jingiadon lang ruh ki ar ngut ki MLA kiba la pyniasoh bad ka UDP u Bah SK Sun bad u Samuel Sangma.

U Bah Lakhmen Rymbiu hab kren ha ki nongthoh khubor u la ong ba ka jingialang kaba la long mynta ka sngi  kim shym la ia kren ei ei lait noh tang ba ki ia jied ia u nongialam bad da kawei ka sur la jied ia u Bah Metbah Lyngdoh ban long u nongialam jong ka party UDP.

Da ka jingkhlad noh jong u Dr Donkupar Roy ka party kala duh noh ia u nongialam, hynrei kum ka party kaba hap ban iaid sha khmat ban shakri ia ka jylla bad ia ka jaidbynriew kumta da kawei ka surok ha ka jingiadon lang baroh phra ngut ki MLA kila pdiang ia u Bah Matbah ban long u nongialam jong ka PP jong ka party UDP.

Ha ka jingkren jong u Bah Metbah u la ong ba namar ka jingkhlad noh jong u Dr Donkupar Roy kane ka kam nongialam hapoh jong ka Parliamentary Party kala thylli kumta kila ia kynduh mynta ka sngi ban ia jied ia u nongialam u ba thymmai. La ong ba kam shym don kano kano ka jingiakren nalaor kane.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet