Jied ka Sorkar MDA ia u Bah Metbah Lyngdohna ka UDP ban long u kyrtong speaker  

Shillong, Nailur 04: Ka jingialang jong ka kynhun Sorkar MDA ia u Bah Metbah Lyngdoh na ka UDP ban long u kyrtong ban ia khun ia ka ilekshon speaker kaban long ha kane ka dorbar synrai kaban sdang ha kane ka sngi Thohdieng.

Ha dien dien ba la kut ka jingialang jong ka sorkar MDA kaba la long mynta ka sngi ha Secretariat , haba kren ha ki lad pathai khubor u Deputy Chief Minister u Bah Prestone Tynsong u la u la pynbna ba ka Sorkar MDA kan pynieng ia u Bah Metbah Lyngdoh kum u kyrtong ha ka ilekshon Spekaer.

U Bah Prestone u la ong ba ka MDA ha ka jingialang kaba la dep kala thaw ia ka Core Committee ban jied ia u kyrtong bad kane ka committee kala shong ban wad ia u kyrtong bad ha dien ka jingiashong dorbar kala shim ia ka kyrteng jong u Bah Metbah ia kaba la wanrah ha khmat ka kyndhun MDA ia kaba la pdiang lang da baroh.

Na ka liang ong u Bah Metbah, u la ong ba u sngew ba kane ka dei ka burom ia u ba ka kynhun MDA kala ibit ia u ban pynieng kum u kyrtong ha kane ka ilekshon speaker kaban long ha kane ka dorbar synrai bad u la pdiang ia kane ka jingtyrwa.

Halor kane ka jingjied ia u Bah Metbah na ka liang jong u myntri rangbah ka jylla u Cornad K Sangma, u la pynpaw ia ka jingsngewnguh ia baroh ki para dkhot hapoh jong ka MDA kiba la pdiang ia ka kyrteng jong u.

What Next?

Recent Articles

Leave a Reply

Submit Comment

*