Shillong Nohprah 26: Ha ka jingialehkai kynjat ball mynta ka sngi ha pdeng ka Shillong Lajong FC bad ka Indian Arrows kaba la long ha ka Dr Ambedkar Stadium haNew Delhi ha kane ka I-League kaba dang iaid mynta sha khmat, ka Indian Arrows kala pynliem ia ka Shillong Lajong da 3-0.
Ha kane ka jingialehkai ka Shillong Lajong ka shah thep goal ha ka Indian Arrows naduh ka kylla step kaba nyngkong bad kum juh ha ka kylla step kaba ar. Na ka liang jong ka Shillong Lajong kala ia ksaid ban ioh thep kol hynrei kam shym lah ban pynphai wat tang shikol ruh ha kane ka jingialehkai.
Ka Shillong Lajong FC kan ia kynduh pat bad ka Chennai City FC ka ban long ha ka 5 tarik jong u bnai Kyllalyngkot 2018 ha JN Stadium Shillong. Da kane ka jingshah rem mynta ka sngi ka Shillong Lajong kala diang hiar ha ka kyrdan jong ka ha kane ka jingialehkai I-League.
