Shillong, Risaw 15: Ban pynneh pynsah ia ka nam jong u Phadar Sylvanus Sngi Lyngdoh na ka liang jong ka Sacred Heart Theological College mynta ka sngi kala pynlong ia ka tamasa jong ki khynnah samla hapoh skul St Mary’s ha Laitumkhrah ha kaba ki don khatwei tylli ki skul kiba la wan ban ia shim bynta ha kane ka jingiakop lehkai drama.
Haa kane ka jingiakop, napdeng ki khatwei tylli ki skul kiba la wan ban ia shim bynta ka Loreto Convent School Laitumkhrah kala rah ia ka nam laduh, wan ba ar ka Little Flower School, Malki bad kaba la wan ba lai ka dei ka St, Francis School Smith. Ia kine ki skul kiba jop la ai khusnam da ka Trophy.
Ia ka jingplie ia kane ka tamasa ha ka por mynstep la plie da u Bah Embhahlang Syiemlieh MLA jong ka Mawlai bad ia ki khusnam la wan sam da ka Dr Ampareen Lyngdoh myntri ka sorkar jylla haka porn oh phai sngi, ha ka jingiadon lang ki borther napoh jong ka Sacred Hearth Theological College.
Ia ki jingialehkai baroh la shim bad pynwan dur na ka jingthoh bakhuid jong ka Gospel, ia kane ka Yotuh Fest la pynlong ha ka kyrteng bad ka nam jong u Phadar Sylvanus Sngi Lyngdoh ia kaba la ai nam kum ka “Fr. Sngi Memorial Youth Fest”.
