Shillong, Nohprah 24: Ka jingialehkai kynjat ball ha pdeng ka Neroca FC jong ka jylla Manipur bad ka Shillong Lajong FC kaba la long ha ka sngi Saitjain ha JN Stadium Madan Polo, ka la long kaba itynnad bad ha kane ka jingialehkai team na ka jylla Manipur ka jop da shikol pyrshah ia la Lajong.
Ha kane ka jingialehkai ka kynhun Neroca FC kala thep shikol pyrshah ia ka Shillong Lajong ha ka minit kaba 83 jong ka jingialehkai, na ka liang jong ka Shillong Lajong FC kala pyrshang tyngeh hynrei kam shym la lah ban pynphai bad kane ka long ka jingshah rem kaba nyngkong jong ka Shillong Lajong ha kane ka I-League kaba ki ialehkai hala ka jong ka jylla.
Ha kane ka jingialehkai na ka liang jong u Rephree u la ai por tam haduh hynriew minit ha kane ka jingialehkai. Ka Shillong Lajong mynta ka hap ban leit sha Delhi ban ialehkai pyrshah ia ka Indian Arrows ha ka 26 tarik mynta u bnai ha Delhi.