Jop ka NPP na Mawryngkneng bad Rajabala jop biang ka UDP ia ka Mawphlang

Shillong, Naiwieng 02:  Ha ka jingia niew vote mynta ka sngi sha ki lai tylli ki MLA konsitwensi kaba ki paidbah kila dep ban thep ia ka vote jong ki ha ka 30 tarik u Risaw 2021 ban jied ia ki MLA ba thymmai,  ha ka 13-Mawryngkeng, 24-Mawphlang bad 47-Rajabala.

Ha kane ka jingianiew Vote, u kyrtong ka NPP u Md. Abdus Saleh u la jop da 1926 vote  ha kaba u la ioh 11823 vote pyrshah ia ka kyrtong jong ka congress ka Hashina Yasmin Mondal kaba la ioh 9897 vote hapoh jong ka 47-Rajabala Assembly Constituency.

Ha 13-Mawryngkeng (ST) Assembly Konstitwensi  u bah Pyniaid Sing Syiem kyrtong ka NPP u la jop da 1816 vote ha kaba u la ioh 14177 vote ia u kyrtong ka Congress u bah Highlander Kharmalki  u bala ioh 12361 vote.

Kitei ki ar tylli ki konstitwensi ki dei kiba la jop da ka Party Congres hynrei ha kane ka kynti kaba mynta ka Congress kala shah rem ha baroh kitei ki ar tylli ki konstitwensi ia kaba ka NPP kala jop don burom na kitei ki ar tylli ki jaka.

Katba ha Mawphlang u kyrtong ka UDP u bah Eugenson Lyngdoh u la jop da ka 4401 vote, ka vote baroh kaba u la ioh ka long 13285 vote  pyrshah ia u kyrtong ka seng Congress u bah Kennedy Cornelius Khyriem kaba u la ioh 8884 vote.

Ka jingdon jong ki MLA katkum ki party mynta hapoh ka iing dorbar thaw ain ka jylla Meghalaya ki long, NPP 23, Congress 17, UDP 8, PDF 4, BJP, 2, HSPDP 2, NCP 1, KHNAM 1 ki MLA shitmet 2 ngut.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet