New Delhi, Naiwieng 28: La rakhe ia ki phlim da ka jingmut jingpyrkhat, ka met bad mynsiem kaba shitrhem, bad mynta, ka jingdon ia ka ‘International Competition Jury’ jong ka IFFI kaba khot sngewbha bad ym lah khlem iaroh ia ka sap ka phong kaba khraw.
Hooid, pynkhreh ia lade, haba wanrah sha ki paidbah ia ki phlim bad ki nongshna phlim kiba ka kynhun ki nongbishar ka la lap ba ki don hok ym tang ban ioh ia ka jingpyndon burom jong ngi, ka jingithuh bad ka jingiaroh. Ka phlim na Spain ka ‘I Have Electric Dreams’kadei ka Best Film
Ka khusnam ba kongsan ka Golden Peacock na ka bynta ka Best Film jong ka tamasa ka leit sha ka phlim na Spain Tengosueñoseléctricos / I HAVE ELECTRIC DREAMS, ka phlim haba ka kynhun nongbishar ka lap ba ka wanrah ia ki kam cinema kaba mynta bad ka ban sa wan.
Kane ka phlimkadei kaba la shna da u nongshna phlim na Costa Rica, u Valentina Maurel, ka phlim ka pyni ia ka jingiaid lynti ka khynnah kaba 16 snem, ka Eva sha ka jinglong Rangbah, ka lynti kaba dei shaphang ka jingheh jingsan, kaba ngam jylliew bad kaba lah ban buh jingeh ia kiwei kiwei ki briew.
Ha ka jingkren shaphang ka jingbun bynta ka jingim briew kumba la pyni ha kane ka phlim, ka kynhun ki nongbishar ka iohi ba ka jingumsnam bad ka jingjai jai, ka jingshitrhem bad ka jingieid baroh ki iadei iweiiaiwei. “Ka dei kaba ktah bha, kaba itynnad haduh kattakatta ba haba peit ia ka, ngi sngew ba ngi ruh ngi khiuh,” la ong ka kynhun nongbishar.
Ka durna ka phlimI Have Electric Dreams, Ka phlim, ka ban iarap ia ki briew ban ithuh ia ki khana na kawei ka bynta jong ka pyrthei bad ha kajuh ka por ka iasoh bad ki jingngeit jong ka longiinglongsem lane ki jingsngew kiba long salonsar, kadei kaba la pynmih da u Benoit Roland bad u GrégoireDebailly.
U nongthoh na Iran bad u director Nader Saeivar u la ioh pdiang ia ka khusnam Silver Peacock kum Best Director na ka bynta ka No End, kaba pyni ia ka jinglong jingman jong ki kam sain pyrthei bad ka imlang sahlang ha Iran.
Ka phlim na Turkey ka No End / Bi Payan, kaba pyni ia ki kam jong ki pulit ka Iran ka la pynlong ia u director jong ka u Nader Saeivar ban ioh pdiang ia ka Silver Peacock na ka bynta ka khusnam Best Director.
Ka phlim ka iathuhia ka khana shaphang u Ayaz, u briew uba don burom uba hap ban thok ia ki pulit khnang ba un ym duh ia la ka iing. Kane ka la kulmar haba ki pulit ki la hap ban tuklar.
