Shillong, Nohprah 02: Ka jingialehkai kynjat jong ka I-League kaba la long mynta ka sngi ha JN Stadium ha Shillong hapdeng ka Shillong Lajong FC bad ka kynhun Churchill Brothers Goa kala long kaba itynnad.
Ha kane ka jingiakhun ka Shillong Lajong ka la jop da 2-0 pyrshah ia katei ka kynhun ia lehkai kaba na ka jylla Goa. Ia kine ki Goal la thep da u Redeem Tlang bad u Samuel Kynshi baroh ar ngut ki dei ki rangialehkai jong ka jylla Meghalaya.
Da kane ka jingjop ka Shillong Lajong kala ioh 6 point bad ka Shillong Lajong kan leit sha Kolkatta ban ia khun ha ka 9 tarik mynta bnai bad ka kynhun kaba kan ia kynduh ka long ka Kingfisher East Bengal.
